AUMENTA O NÚMERO DE ENFERMOS NA ÁREA PONTEVEDRA-O SALNÉ

O total de contagios de coronavirus activos en Galicia é, segundo os datos achegados pola Consellería de Sanidade este venres, de 563, o que supón un descenso de apenas seis casos nas últimas 24 horas. Non hai tampouco grandes novidades no apartado asistencial: segue habendo unha soa persoa ingresada en UCI, os atendidos en planta ascenden a 28 e o resto, 563, permanecen nos seus domicilios. Hai xa un total de 10.178 pacientes curados, as PCR realizadas sitúanse en 148.150 e os falecementos rexistrados desde que empezou a crise alcanzan os 618, 274 deles vinculados a residencias. Por outra banda, a distribución por áreas sanitarias é a seguinte: 132 pacientes concéntranse na da Coruña, 37 na de Lugo, 51 na de Ourense, 16 na de Pontevedra, 195 na de Vigo, 114 na de Santiago e 18 na de Ferrol.

Pola contra a Consellería de Sanidade elevou a 16 os casos activos de coronavirus na área sanitaria de Pontevedra e O Salnés, o que supón un máis que os reflectidos no balance do xoves.

Segundo os datos oficiais ofrecidos este venres 5 de xuño, producíronse tres altas epidemiolóxicas con respecto ao día anterior, o que significa o número de novos test positivos rexistrados foi de 4.

Todos os afectados evolucionan nos seus respectivos domicilios, mantendo aos hospitais da área sanitaria sen pacientes ingresados con positivo activo de Covid-19.

Desde o inicio da pandemia curáronse 878 pacientes en Pontevedra e O Salnés e morreron 16 pacientes.