De novo boas noticias sobre a evolución da pandemia de COVID-19 en Galicia. Nas últimas 24 horas só reportáronse 6 novos casos confirmados por PCR para facer un total de 9.323 galegos confirmados por este test médico. A outra contabilización, que tamén ten en conta os tests de anticorpos, suma outros 60 pacientes para chegar ás 10.892 persoas. O crecemento en porcentaxe de casos foi o menor ata o de agora, soamente un 0,06%.
En canto á evolución dos pacientes, onte foi o segundo día en Galicia sen mortes en 24 horas desde o inicio da pandemia (o outro foi o 29 de abril). Rexistráronse ademais 126 altas, o que deixa o número de enfermos activos en 2.008.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 2.008, deles 494 son da área da Coruña, 122 da de Lugo, 320 da de Ourense, 107 da de Pontevedra, 478 da área de Vigo, 413 da de Santiago, e 74 da de Ferrol.
Do total de pacientes positivos, 22 permanecen en UCI, 111 están en unidades de hospitalización e 1.875 no domicilio. Polo de agora, en Galicia hai un total de 8.283 persoas curadas, rexistrándose 601 falecementos.
O número de PCR realizadas é de 122.456.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.