Por segunda vez desde os primeiros días despois da declaración da alerta sanitaria, os hospitais galegos non comunicaron á Consellería de Sanidade ningunha nova vítima mortal con COVID-19 na comunidade, co que a cifra oficial de falecidos ás 21.00 horas deste xoves mantense nos 601 (469 en atención hospitalaria e 132 dentro das residencias de maiores) rexistrados na tarde do mércores.
O mesmo ocorre coas vítimas mortais en residencias de maiores, que se informan unha vez ao día. Na comunicación deste xoves e por sétimo día consecutivo non se informou de novos falecementos.
Este sería, así, o segundo día no que os hospitais galegos non comunican novos mortos despois que o pasado 29 de abril a Consellería de Sanidade tampouco informase de novos falecidos.
O número de mortes rexistradas en atención hospitalaria é de 469: 126 na área sanitaria da Coruña, 100 na área de Ourense, 91 na área de Vigo, 80 na área de Santiago, 30 na área de Ferrol, 26 na de Lugo (dúas dos falecidos, en atención domiciliaria), e 16 en hospitais da área de Pontevedra. O resto, 132 dentro das residencias de maiores.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.