POUCO MÁIS DA METADE DE ESPAÑA PASA A FASE 1

En Galicia todo o territorio poderá pasar á fase 1. Así o confirmou esta tarde en rolda de prensa Fernando Simón e o Ministero de Sanidade. Salvador Illa lembrou que nesta etapa de desescalada é "máis necesario que nunca" ter precaución e gardar a distancia social. En conxunto, pouco máis da metade da poboación española pasará a Fase 1 a partir do luns. "Case a metade da poboación española está en condicións de ter a partir do luns as medidas correspondentes da Fase 1", revelou o ministro despois da reunión do Consello Interterritorial do Sistema Nacional de Saúde. O director do Centro de Alertas Sanitarias Fernando Simón detallou os criterio usados polo Ministero para facer a selección. Dous foron claves para determinar se valoraron as solicitudes: o número de camas hospitalarias e a cantidade de prazas UCI. O mapa publicado por Moncloa revela que a Fase 0 seguirá en zonas de Castela León, todo Madrid, varias provincias de Castela A Mancha, dúas provincias de Andalucía, algunhas comarcas de Valencia e máis da metade de Cataluña.