CAMBADOS MANTÉN A LIBERDADE DE HORARIOS PARA AS PARROQUIAS

O Concello mantén os horarios libres para as parroquias, eso sí, nos seus paseos non poderán invadir o núcleo urbán.

O pasado venres a Xunta daba liberdade de horarios a parroquias e núcleos de poboación con menos de 5.000 habitantes para igualalos cos propios concellos que xa obtiveran ese permiso. A Delegación do Goberno trasladaba á Xunta de Galicia a resposta do Ministerio de Política Territorial e Función Pública á consulta exposta polo Goberno galego o pasado luns, referida á aplicación do art. 5.2 da orde SND/380/2020, do 30 de abril, sobre as condicións nas que se pode realizar actividade física non profesional e as diferentes casuísticas para os núcleos de poboación inferiores a 5.000 habitantes. Dita resposta, permitía interpretar a Orde atendendo ao concepto de entidade colectiva de poboación como agrupación de entidades singulares, definidas á súa vez como unidade ou entidade intermedia entre a parroquia, aldea ou lugar e o municipio. Atendendo a esta lectura e ao compromiso do Goberno de España para levar a cabo o proceso de desescalada desde a cogobernanza coas CCAA, é o propio Goberno galego o que tiña que definir que núcleos de poboación axústanse a este criterio, para que llo comunique aos concellos interesados para que poidan axustar a aplicación da Orde sobre horarios.
En Galicia son 1.428 parroquias nas que pasará a haber liberdade de horario desde o sábado 9 para saír a dar paseos e para facer deporte. 


Dadas as dúbidas sobre os núcleos de poboación exentos das restricións de mobilidade por franxas horarias, a Fegamp solicitou á Xunta de Galicia que aclarase de forma máis concreta os requisitos para o levantamento de ditas limitacións. En resposta a petición, o Goberno autonómico traslada os listados, se ben delega nos alcaldes e alcaldesas a decisión de “manter as restricións nalgunhas parroquias de menos de 5.000 habitantes que non garden unha mínima separación cos cascos urbanos, ao ter sido absorbidos na práctica pola expansión urbanística. Do mesmo xeito, podería decidir a exención das suxeicións ás franxas horarias naqueles núcleos que, aínda pertencendo a parroquias de máis de 5.000 habitantes, estiveran o suficientemente separados do resto da poboación”.

Por todo esto o concello entende que aínda tendo as parroquias unha proximidade moi pequena co centro urbán poden gozar dese "privilexio" e a única limitación que propón o concello é a de non traspasar a hipotética fronteira entre as parroquias eo centro urbán que supera os 5.000 habitantes. E tampouco alguén do centro pode saír cara as parroquias a facer deporte .