AS UCIS GALEGAS A PUNTO DE CHEGAR AO "CERO"

As UCI dos hospitais galegos están a un paso de chegar aos 0 pacientes con Covid-19 ingresados nelas. A Consellería de Sanidade informou este mércores de que xa son soamente cinco os infectados atendidos nestas unidades, mentres que 49 atópanse en planta e outros 769 reciben asistencia telemática desde os seus domicilios. Por áreas sanitarias, a distribución dos 823 casos activos (11 menos que onte, martes) é a seguinte: 205 na da Coruña, 54 na de Lugo, 107 na de Ourense, 38 na de Pontevedra, 254 na de Vigo, 143 na de Santiago e 22 na de Ferrol. A Comunidade rexistra ata o momento 615 falecementos (dos que 272 están vinculados a centros residenciais) e 9.798 curados. O total de PCRs realizadas é de 137.544.

PONTEVEDRA-O SALNÉS

Tras dous días consecutivos sen novos contaxios por coronavirus, hoxe aumentan levemente os casos activos na área sanitaria de Pontevedra e O Salnés,

Segundo os datos actualizados esta mañá pola Consellería de Sanidade, nas últimas 24 horas rexistráronse dous novos diagnósticos.

De tal xeito que este mércores hai 38 casos activos pero sigue sendo un único paciente o que permanece hospitalizado en planta, tras deixar a UCI.
Os demáis diagnosticados evolucionan nos seus domicilios.

Desde o inicio do plan de continxencia da pandemia curáronse 830 pacientes nesta área sanitaria, a mesma cifra que onte, e faleceron 16 persoas.