GALICIA ROZA OS 550 FALECIDOS

Os falecidos hoxe, 9, son un máis que onte e seis menos que o domingo.

O falecemento dunha muller de 89 anos que se atopaba ingresada no Hospital de Vigo súmase aos outros seis mortos en hospitais e dous en residencias notificados este martes. O que eleva o total de falecementos a 547.
No día de onte, aínda que se contabilizan sempre o día despois, morreron diagnosticados con coronavirus un ancián no centro DomusVi Matogrande, na Coruña, e outro no Nosa Señora da Esperanza, en Ourense.

No que respecta a mortes en hospitais, o Sergas informaba esta mañán do falecemento de seis persoas que foron diagnosticadas por coronavirus. Unha muller de 87 anos que estaba ingresada no Chuac; unha muller de 62 anos no CHUS, dous homes de 87 e 82 anos que estaban ingresados en Povisa; unha muller de 82 anos que estaba ingresada no Álvaro Cunqueiro e unha muller de 63 anos que estaba ingresada no CHUO. Todos tiñan patoloxías previas, segundo informaba o Sergas. Con estes decesos, a cifra total de vítimas do coronavirus en Galicia sitúase en 546.

Con estas sete, xa son 419 as persoas diagnosticadas con COVID-19 que morreron en atención hospitalaria. En concreto, son 114 na área sanitaria da Coruña, 87 na área de Vigo, 84 na de Ourense, 70 na de Santiago, 24 na área de Ferrol, 25 na de Lugo e 15 na área sanitaria de Pontevedra.