GALICIA CHEGA AOS 5000 ENFERMOS POR CORONAVIRUS

Os novos casos de coronavirus en Galicia seguen estancados e a porcentaxe de crecemento é o menor ata o de agora, un 7,7% Galicia suma xa 5625 contaxiados totais de coronavirus desde o inicio da epidemia tras 406 casos novos positivos, segundo informou hoxe o Ministerio de Sanidade. O número de novos infectados é algo superior ao de onte (377), pero a porcentaxe de crecemento é inferior (7,77%) e o menor ata a data. Cos seus altos e baixos, parece que o crecemento de infectados en Galicia estase estancado e espérase que comece a baixar o número de casos novos diarios.

A Dirección Xeral de Saúde Pública da Consellería de Sanidade informa que, na última actualización, o número de casos de coronavirus activos en Galicia ascende a 4.926, deles 1.029 son da área da Coruña, 558 da de Lugo, 875 da de Ourense, 432 da de Pontevedra, 1.055 da área de Vigo, 694 da de Santiago, e 283 da de Ferrol.

Do total de pacientes positivos, 177 permanecen en UCI, 891 están en unidades de hospitalización e 3.858 no domicilio. Polo de agora, en Galicia rexistráronse 531 altas de pacientes e 168 falecementos.

En España a situación é similar, cun número de casos novos (7026) algo inferior ao de onte (7472), pero un crecemento en porcentaxe que vai baixando e que marcou un novo mínimo en 5,96%. O total xa é de 124.736 casos. Os datos de España En España xa son 124.736 casos tras 7026 positivos, e obsérvase unha evolución similar: segue crecendo o número de contaxios, pero o de casos novos empezou a decrecer lixeiramente, e o de porcentaxe de crecemento comezou a baixar. As rexións máis afectadas seguen sendo Madrid, as dúas Castillas, Cataluña, País Vasco, Navarra e La Rioja.