EXCELENTES NOVAS NA PRIMEIRA ACTUALIZACIÓN DO SERGAS

O Sergas informa de que segue baixando a presión asistencial: son 117 pacientes en UCI (-6) e 642 hospitalizados (-36), mentres as altas chegan a 1.456 (+73) e os falecidos mantéñense como onte á noite, en 415, sen que se rexistrasen mortes esta vez nas residencias. O número de positivos activos alcanza os 6.142, 57 máis que a véspera.

Por primeira vez en moitas xornadas, non se rexistran falecementos en residencias de maiores e discapacitados. Nestes momentos, informa o Sergas, hai 983 usuarios contaxiados, preto xa do milleiro (só en residencias da terceira idade son máis de 22.000 en toda Galicia), e 422 profesionais contraeron tamén o Covid-19.
Outro dato positivo que deixa o último balance do Sergas de afectación do coronavirus: de novo, o número de altas supera ao de contagios, 73 fronte a 57, o que referenda a valoración do comité clínico de que o pico da pandemia deixouse atrás a partir da segunda semana de abril.

A desagregación por áreas sanitarias é o seguinte: 1.371 na Coruña, 591 en Lugo, 1.207 en Ourense, 505 en Pontevedra, 1.095 en Vigo, 1.030 en Santiago e 343 en Ferrol. Realizáronse xa 57.400 PCR.

Galicia está por sorte lonxe aínda do nivel de infectados doutras autonomías. Mentres que a nosa comunidade está en 8013 casos positivos, Madrid supera os 50.000 infectados, Cataluña supera os 37.000, Andalucía leva máis de 10.000 e País Vasco máis de 11.000.