DESCENDE O NÚMERO DE MORTOS DIARIO

Nove persoas faleceron no día de hoxen en Galicia con coronavirus. Unha cifra inferior a de onte(13 falecidos) e lixeiramente superior a do domingo (8 mortes).

A morte dúas persoas (o actor Esteban Yáñez de 35 anos, que estaba ingresado no Complexo Hospitalario Universitario de Santiago) e dunha muller na área sanitaria de Lugo eleva a 472 o número de vítimas mortais do coronavirus en Galicia: 367 en centros hospitalarios, unha con atención hospitalaria no domicilio e 104 en residencias de maiores.
Estas dúas mortes súmanse as notificadas esta mañán, un home de 84 anos de idade, ingresado no Complexo Hospitalario Universitario de Ferrol; e dun home de 92 anos, outro de 84 anos e outro de 80 anos, todos ingresados no Complexo Hospitalario Universitario de Santiago. Un home de 91 anos, ingresado no Hospital Comarcal de Monforte (Lugo); e dun sexto home, de 72 anos, que estaba a ser atendido no hospital vigués Povisa e unha persoa na residencia Concepción Areal da Coruña. Todos eles con patoloxías previas.

O número de falecidos en hospitais galegos e en atención hospitalaria a domicilio como consecuencia da COVID-19 é de 368 persoas: 107 na área sanitaria da Coruña, 72 na área de Vigo, 70 na área sanitaria de Ourense, 57 mortes na área sanitaria de Santiago, 23 na área de Ferrol, 25 na área de Lugo e 14 na área sanitaria de Pontevedra.