A XUNTA CONTABILIZA 14 AS VÍTIMAS DE RESIDENCIAS NON SUMADAS ANTERIORMENTE

A Xunta de Galicia trasladou ao Goberno central que nas residencias de maiores da Comunidade morreron un total de 14 persoas que presentaban síntomas de coronavirus pero ás que non se lles realizou unha PCR. Destes datos informou este xoves a Consellería de Política Social, que contabiliza un total de 14 falecementos nestas circunstancias desde o 8 de marzo, cando en Galicia había oito casos de coronavirus confirmados pola Consellería de Sanidade. O pasado 7 de abril o Ministerio de Sanidade pediu ás comunidades autónomas facilitar o número de falecementos en residencias de maiores que morreran con síntomas compatibles con COVID-19 pero sen a confirmación dunha PCR que certificase a súa contaxio ou non. Este e outros datos sobre residencias deben ser remitidos ao Goberno central por cada autonomía cada martes e venres. Así, preténdese facer un rexistro coas persoas que puideron falecer con coronavirus, aínda que non están incluídos nas listas oficiais de mortos que manexa cada Comunidade.

Máis de 15.000 maiores morreron en toda España por COVID-19 ou con síntomas compatibles co virus, segundo os datos dos 17 gobernos autonómicos con data 21 de abril. Ademais, hai máis de 46.000 maiores contaxiados ou con síntomas. Isto supón que están infectados máis do 12,7% dos 360.000 anciáns que residían en xeriátricos no noso país antes da pandemia.