216 VÍTIMAS MORTAIS POLO CORONAVIRUS EN GALICIA

Dato actualizado do Sergas: 5.175 casos positivos O Sergas actualiza o seu balance: hai 5.175 casos positivos en Galicia, con 169 persoas na UCI, 893 en hospitais e 4.113 en domicilios. As altas chegan a 587 e os falecementos na rede hospitalaria, a 182. En residencias hai 34 falecidos.
O Sergas informa do falecemento doutras oito persoas pola pandemia de coronavirus: un home e unha muller de 92 e 86 anos no HULA de Lugo; unha muller de 84 no CHUO de Ourense; un home de 90 no Hospital da Rosaleda de Santiago; un home de 92 no CHUS tamén da capital; un home de 78 no CHUAC coruñés; e unha muller e un home de 85 e 86 no Álvaro Cunqueiro de Vigo. Todos, con patoloxías previas. Ata a data, en Galicia realizáronse xa 28.191 PCR, segundo os datos do Sergas. Por áreas sanitarias, Vigo e A Coruña, con 1.075 e 1.058 casos activos, practicamente calcan os seus balances. Achégase con todo Ourense, con 921. Santiago sobe a 816. Seguen Lugo con 555, Pontevedra con 444 e Ferrol pecha con 306 casos.

O último balance da Consellería de Política Social, que acaba de divulgarse, informa de dous novos falecementos en residencias da terceira idade, unha persoa en El Portazgo (A Coruña) e outra na nosa Señora da Esperanza (Ourense). O total de óbitos en residencias ascende xa a 34. Os positivos chegan a 588 entre usuarios e 209 traballadores; en centros de discapacidade: 49 e 39.