O Sergas informa do falecemento dun home de 75 anos por coronavirus que se atopaba ingresado no Complexo Hospitalario da Coruña. O paciente tiña patoloxías crónicas previas. Trátase do quinto falecido na Comunidade contaxiado do Covid-19.
O Covid-19, menos mortífero en nenos O coronavirus probou ser menos grave e menos mortífero en nenos que en adultos. Iso si: convén illar aos menores de 1 ano doutros nenos e tamén dos adultos, pois é o segmento que pode sufrir os efectos do Covid-19 con especial gravidade. Máis de 5.000 galegos ao paro polo coronavirus As consecuencias no terreo económico da crise do Covid-19 xa se están notando, de que maneira, no tecido económico e empresarial de Galicia. Máis de 600 empresas da Comunidade presentaron, no que vai de estado de alarma, expedientes de regulación temporal de emprego que mandan temporalmente á rúa a máis de 5.000 galegos.
O Consello de Ministros introduciu algunhas modificacións de interese xeral no decreto que regula o Estado de Alarma.
A norma xeral segue a ser que todos os desprazamentos se realicen de forma individual, "agás que se acompañe a persoas con discapacidade, menores, maiores, ou por outra causa xustificada". Deste xeito acláranse dúbidas e clarifícanse as restricións.
O Goberno introduciu tamén cambios nos establecementos que poden abrir as súas portas. Ademais de supermercados, farmacias, estancos e quioscos de prensa, poderán abri tamén as clínicas veterinarias.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.