O Sergas informa dun novo falecemento pola pandemia de coronavirus. Trátase dun home de 79 anos ingresado no Complexo Hospitalario da Coruña. Falece contaxiado de coronavirus pero con patoloxías previas. Trátase da cuarta morte este vierenes, que eleva a nove a cifra desde que se iniciou a crise.
300 denuncias por saltarse o confinamento nas sete cidades
As policías municipais das principais cidades galegas cursaron, desde que entrou en vigor o Real Decreto sobre o estado de alarma, unhas 300 denuncias a cidadáns que infrinxiron dita norma, saltándose o confinamento domiciliario sen xustificación. Segundo trasladaron a Europa Press fontes municipais deses Concellos, a maior parte de denuncias (que se tramitan ás correspondentes subdelegacións provinciais como propostas de sanción) cursáronse a persoas que se atopaban na vía pública sen estar dentro dos supostos autorizados.
Por outra parte o concello de Cambados coa axuda de varios atomizadores de adegas cambadesas están a desinfectar rúas do centro por onde máis tránsito hai a pesar do confinamento.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.