INVESTIGAN AO CONDUCTOR DUN TURISMO QUE ABANDONOU A DOUS FERIDOS ONTE EN COVAS DE LOBOS

A Garda Civil investiga a un conductor involucrado nun accidente na ponte sobre o río Umia que une Vilariño con Barrantes.
Ao parecer o conductor desapareceu durante cas unha hora do lugar do sinistro sin prestar auxilio aos feridos, ambos acompañantes deste conductor.

Ao chegar ao lugar, as patrullas da Garda Civil non atoparon ao conductor dun dos vehículos involucrados. Duas horas despois un home presentouse no lugar asumindo a sua condición de piloto do automóvil. Procedeuse a facerlle a proba de alcoholemia sin que trascendera o resultado desta proba.

Lembremos que dúas persoas resultaran feridas neste  accidente de tráfico rexistrado no concello de Cambados.

Segundo  Protección Civil de Cambados, o sinistro tivo lugar ás 03:37 horas de onte sábado na ponte de Cobas de Lobos, na estrada provincial EP-9506 ao seu paso pola parroquia de Vilariño.

Como consecuencia da colisión resultaron feridos o copiloto e a pasaxeira dun dos vehículos.

Trátase dun home de 32 anos, coas iniciais  M.A.V.N. e veciño de Cambados. A pasaxeira tamén é veciña de Cambados, con iniciais A. L. B. e de 29 anos de idade.

Ambos presentaban un cadro con dor lumbar, torácico, cervical e en extremidades superiores e inferiores.

A condutora do outro vehículo resultara ilesa.