PASAN A DISPOSICIÓN XUDICIAL OS DETIDOS O MARTES EN CAMBADOS E VILAGARCÍA

As 67 persoas que foron detidas o pasado martes pola Garda Civil nas operacións " Laly" e " Koala" contra o narcotráfico e o branqueo de capitais comezaron a pasar a disposición xudicial, segundo fontes da investigación. Os primeiros en pasar ao dispor do xuíz foron dous homes detidos durante os rexistros efectuados en Cambados (zona de Tragove), Vilagarcía de Arousa, Ribadavia, e Sanxenxo, en Pontevedra. Os primeiros en pasar ao dispor do xuíz foron dous homes detidos durante os rexistros efectuados en Cambados, Vilagarcía de Arousa, Ribadavia, e Sanxenxo, en Pontevedra, onde a rede de narcotraficantes que operaba no sur instalara unhas naves para construír narcolanchas, prohibidas desde o ano pasado. O maxistrado enviou a un a prisión e decretou liberdade con cargos para o segundo. Ademais de en Pontevedra, as detencións e rexistros estendéronse polas localidades de Alxeciras, A Línea, San Roque, Chiclana e Alcalá de los Gazules, todas elas en Cádiz; Estepona, Mollina, Mijas e Marbella, en Málaga; por Lucena (Córdoba) e por Villarobledo (Albacete). Uns 400 axentes participaron nos máis de 34 rexistros que levaron a cabo en ambas as operacións e nas que os axentes interviñeron armas, diñeiro en efectivo, vehículos e embarcacións.