Un condutor estrelouse esta madrugada contra unha clínica dental en Cambados. O vehículo acabou coa parte dianteira dentro do establecemento. Ocorreu sobre a unha da madrugada na rúa Olmos. O condutor, que quedou ileso, asegurou que perdeu o control do coche despois de pisar o freo. O vehículo rebentou varios cristais e provocou importantes danos materiais na clínica.
Ata o lugar do suceso trasladáronse efectivos de Protección Civil de Cambados, que apuntalaron a fachada e tapiaron a zona do impacto.
A fachada dunha clínica dental situada no municipio de Cambados tivo que ser apuntalada polos servizos de Emerxencias despois de que un turismo impactase contra o establecemento ás 01.00 horas deste martes 10 de decembro.
Segundo a información facilitada polo servizo de Emerxencias, o condutor do vehículo indicaba que pisara o freo do coche cando circulaba pola rúa Os Olmos nas proximidades ao paso de peóns e, por causas que descoñece, perdeu o control do turismo que se encaixaba contra unha cristaleira lateral da clínica odontolóxica.
Os operarios de emerxencias tiveron tamén que tapiar a zona onde se producía o impacto ao xerarse importantes danos.
A pesar da aparatosidade do impacto, o accidente saldouse sen feridos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.