O CLUB PIRAGÜISMO CAMBADOS LÉVASE A VICTORIA EN VILAGARCÍA

O peirao de pasaxeiros de Vilagarcía de Arousa acolleu na tarde de onte a 3º regata da liga galega de kaiak de mar da tempada. O evento organizado polo Club Depornautic Arousa contaba coa participación de 17 equipos e máis de 200 deportistas. Ás 17:00 horas daba comezo a competición coa saída ás categorías senior, xuvenil e veterano. Unha hora e media máis tarde tomarían a saída as embarcacións dos participantes cadetes xunto coa modalidades SUP e populares. A clasificación xeral do trofeo tivo como gañador ao Club Piragüismo Cambados, mentres que a segunda posición foi para o Club Piragüismo Olívico e o terceiro posto levoullo o Club Kaiak Vigo

A nivel individual destaca a vitoria en K1 Senior Sprinter de Artur Pereira, o segundo en entrar en meta foi Miguel Pérez (Piragüismo Cambados) e a terceira praza obtívoa Daniel García (Náutico Cobres). En mulleres as tres primeiras clasificadas foron Verónica Carrera (Piragüismo Olívico), Clara Torres (Piragüismo Cambados) e Mercedes Covelo (Kaiak Vigo). Na modalidade K2 Sprinter Senior o podio completárono a parella do Piragüismo Illa de Arousa Andro Durán e Samuel Viana, segundos chegaron Juan García xunto a Jorge Calvo (Piragüismo Cambados) e terceiros chegaron Celestino Rodríguez con Ramón Pérez (Piragüismo Rianxo). A clasificación feminina encabezárona as deportistas do Piragüismo Illa de Arousa Gloria Silva formando parella con Noemi Ponce, mentres que segundas e terceiras clasificáronse Paula Pérez xunto a Iria Amoedo e Jennifer Fernández con Ana Ferreira do Kaiak Vigo.