O xurado do Concurso Nacional de Boas Prácticas en centros docentes educativos correspondentes ao ano 2018 concedeu dous premios a colexios do Salnés.
O colexio público de Rubiáns obtivo o Premio Nacional á Saúde Integral no ámbito da educación infantil, e primaria polo seu proxecto "Ponte las pilas y muévete". O plurilingüe Enrique Barreiro Piñeiro, de Vilariño, recibiu o Premio Nacional á Xestión Mediambiental e a Sustentabilidade polo seu proxecto "Cuidamos de lo nuestro para cuidar de todas y todos".
Este galardóns a nivel nacional son un gran recoñecemento a estes centros escolares que desenvolveron uns proxectos pioneiros con fins educativos integradores e participativos: sensibilización no medio ambiente, hábitos saudables, taller de cociña, competicións deportivas, dinamización do recreo, desenvolvemento das novas tecnoloxías, plan lector con gran diversidade de actividades transversais, programas de reforzo, programas de mellora da convivencia, xornadas diversas, prevención de absentismo, escolas de familia responsable, etc.
Cada un dos proxectos destes centros escolares recibirá o Ministerio de Educación un premio por importe de 10.000 euros.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.