A fábrica de peixe conxelado Atunlo, ubicada no Polígono Sete Pías de Cambados, aumentará a súa liña de producción, incrementando, ao tempo, o seu persoal.
Responsables da empresa expuséronlle á alcaldesa de Cambados, Fátima Abal, os seus plans de ampliación e captación de emprego, co fin de que o Concello poida contribuír á difusión dos postos de nova creación a través da Oficina de Emprego.
Concretamente, a empresa prevé contratar a 15 novos traballadores na planta de Cambados nunha nova liña de limpeza de lombos de atún.
A oferta laboral vai dirixida tanto a homes como a mulleres, a pesar de que, tradicionalmente, o emprego asociado a estas factorias foi eminentemente feminino.
A oferta laboral vai dirixida tanto a homes como a mulleres, a pesar de que, tradicionalmente, o emprego asociado a estas factorias foi eminentemente feminino.
Pola súa banda, Fátima Abal agradeceu a aposta de Atunlo pola súa planta de Cambados e os seus plans de emprego, e ofreceu toda a colaboración municipal.
A factoria de Atunlo en Cambados está centrada nos lombos de atún cru conxelado destinado a consumo directo e mercados de exportación e ten actualmente 170 empregados.
Ademáis de Cambados, tamén ten fábricas en O Grove, Vigo, Santoña, Cabo Verde e Asia e proxectan unha próxima apertura en Vilanova de Cerveira, no Norte de Portugal.
Escoita máis aquí- https://www.ivoox.com/atunlo-proxecta-aumentar-15-persoas-a…
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.