ACHAN UN CADÁVER NUNHA PRAIA DO GROVE

A vítima é un home que tería entre 55 e 60 anos de idade Un cadáver foi achado sobre as 10.00 horas deste sábado, 24 de novembro, na praia de Raeiros, no municipio pontevedrés do Grove, segundo informaron diversas fontes. O corpo presentaba aspecto de levar varios días na auga, aínda que polo momento descoñécese as circunstancias do falecemento, informa a Garda Civil. Fontes do servizo municipal de Emerxencias explicaron que foi un particular o que deu a alerta ao ver o corpo na praia. Pasadas as 13.00 horas, o cadáver xa fora levantado tras acudir o forense. Ata o lugar desprazáronse para colaborar, entre outros medios, a Policía Local do Grove e efectivos da Garda Civil. O cadáver achado sería un home de entre 55 e 60 anos Segundo informou o 'Faro de Vigo', o corpo achado na praia do Grove sería o dun home, aínda sen identificar, que roldaría os 55 ou 60 anos de idade. Ademais, segundo o mesmo medio, o cadáver vestía «roupa de rúa». Durante as próximas horas realizarase a autopsia ao corpo para tratar de esclarecer as causas da súa morte e a súa identidade.