O CENTRO DE SAÚDE DE CAMBADOS QUEDA SIN UN DOS TRES PEDIATRAS

O SERGAS non cede e segue sen garantir que os nenos sexan atendidos por un mesmo pediatra.

Diversas asociacións sanitarias e sindicatos manteñen a presión sobre a Xunta para que dea marcha atrás coa nova categoría de pediatra de área. O SERGAS mantén a súa postura a pesar das voces que alertan sobre o déficit de pediatras nos centros sanitarios. 

A Sociedade de Pediatría de Galicia (Sopega) e a Asociación Galega de Pediatría de Atención Primaria (Agapap) reiteraron o seu "rexeitamento total" á nova categoría de pediatra de área tras un encontro mantido con representantes do SERGAS, mentres que a Xunta deféndea e esgrime que "garante a calidade e a continuidade asistencial" para dar resposta "ao déficit de profesionais".

Con todo, o colectivo de especialistas, nun comunicado, mantén que "non mellora a calidade asistencial" nin resolve "o déficit de pediatras". "Entendemos que a solución pasa pola reorganización dos recursos humanos para que o modelo de atención pediátrica poida ter un futuro a medio e longo prazo", sostén o comunicado, que subscriben os presidentes de Sopea, José Ramón Fernández, e Agapap, Amparo Rodríguez.

Por iso, solicitan á Consellería que dirixe Jesús Vázquez Almuiña a "suspensión" da nova figura -que regula a lei de medidas que acompaña aos orzamentos para o próximo ejericio-, á vez que manteñen o seu ofrecemento de colaboración para novas propostas.

Enfronte, Sanidade, tras analizar coas sociedades pediátricas a cuestión, mantén que se trata dunha nova categoría que no futuro permitirá "perfilar prazas máis especializadas" e unha atención coordinada entre os dous niveis asistenciais (Atención Primaria e Hospitalaria).

Ao tempo, asegura que permitirá dar resposta ás actuais necesidades asistenciais da poboación, "mellorando non só a dispoñibilidade de pediatras, senón tamén ampliando a cobertura dentro de una mesma área".

Segundo a Consellería de sanidade a flexibilidade da nova categoría permitirá perfilar prazas máis especializadas que responderán "ás necesidades reais" dos usuarios. A actual compartimentación entre profesionais ten que dar paso a unha atención "coordinada" entre profesionais de Primaria e Hospitalaria.

Neste sentido, a categoría de pediatra de área contempla "unha mellor coordinación" entre Primaria e Atención Hospitalaría a nivel xerárquico, e establece a figura a figura dun único responsable a nivel de área.

O SERGAS informou de que, a través da súa xerencia de xestión integrada de Pontevedra e O Salnés, mantivo este luns un encontro técnico no concello de Pontecaldelas para expoñer a reestruturación da atención pediátrica de Atención Primaria na comarca.

O SERGAS tamén informou de que concentrou en xornada de mañá a cobertura pediátrica de Atención Primaria en Cambados para --afirma-- "garantir a súa continuidade e mellor calidade".

Ata agora, contábase con tres prazas de pediatría de Atención Primaria en Cambados, dúas delas en xornada de mañá --cubertas por dous pediatras-- e unha praza de tarde --que segue vacante e cóbrese de forma descontinua por pediatras que fan prolongación de xornada--.

Segundo explica, a atención pediátrica de tarde tiña "unha dispoñibilidade horaria reducida e descontinua" ao non poder cubrirse "de forma continuada e estable" cun pediatra.

Por iso, decidiuse pasar a praza de pediatría vacante a xornada de mañá, co fin de poder cubrila cun profesional estable. Así, esta localidade arousá conta con dous pediatras en xornada matinal, con xornadas completas de sete horas cada un dos médicos e un montante asistencial de 70 horas de atención semanal.