CASTING NO GROVE PARA O SALNÉS PARA O PROGRAMA DA TVG "TI VERÁS"

A semana que ven o programa TI VERÁS da TVG estará en O Grove facendo un casting para concursar no programa. Desde a produtora do programa mandan un aviso á veciñanza do Salnés. O único requisito para participar é ser maior de idade e ir en parella.

Ti verás é un concurso diario presentado por Rodrigo Vázquez que combina unha aditiva dinámica de xogo e o aspecto máis humano e interactivo do 'talk show'. As parellas concursantes deben responder correctamente 8 preguntas e abrir 8 das 10 bonecas rusas xigantes para conseguir a maior cantidade de cartos posibles. Dentro de cada boneca pode haber ata cinco máis ou pode non haber ningunha. Cantas máis bonecas garden as matrioskas no seu interior, maior será a cuantía dos cartos en xogo. Se seguen abrindo e non hai boneca, perderán todo o gañado. Para poder xogar cunha boneca e realizar a primeira apertura deben escoller unha categoría entre dez posibles temas e seleccionar a opción correcta entre verdadeiro ou falso.