ÓPERA INFANTIL NO AUDITORIO DE "A XUVENTUDE"

O vindeiro domingo 3 de xuño ás 17.00 h e nun segundo pase ás 19.00 horas. Con invitación no Auditorio da Xuventude (Cambados).
Os alumnos de cuarto do colexio Conmeniño, do Grove e os seus profesores levan todo o curso traballando moi duro para que o proxecto sexa unha realidade. Agora, están xa listos para a estrea. Os estudantes do centro serán os primeiros en ver esta peculiar representación, o vindeiro venres, día 1 de xuño, na casa de cultura de San Vicente. Ao día seguinte, serán os pais dos estudantes os invitados. O domingo terá lugar unha representación no auditorio da Xuventude, en Cambados, á que poderán asistir todos os invitados. Só hai que solicitar e retirar as entradas no centro escolar.

As Estrelas é a compañía de ópera na que estes estudantes levan todo o curso traballando. Os propios rapaces e rapazas completaron todo o traballo, empezando por recadar os fondos necesarios para sacar a obra adiante. Pero tamén escribiron o libreto, deseñado os carteis e o vestiario e os peiteados de todos os actores, entre outras moitas tarefas. Agora, chegou o momento da estrea que, seguro, será un éxito.