A CAMBADESA IRIA RIBADOMAR AUTORA DO CARTEL DAS FESTAS DE COMPOSTELA

O pasado venres foi presentado o programa de actos das Festas da Ascensión de Santiago de Compostela, "as festas por excelencia dos veciños da cidade", que este ano e que aposta pola "presenza de artistas e creadoras femininas e pola atención á mocidade".
Dentro desa presenza de muller e xoven está a debuxante e pintora cambadesa Iria Ribadomar, que este ano asumiu o deseño da imaxe das festas.

Iria Ribadomar, nacida en Cambados en 1984 e residente en Compostela. Estudou artes plásticas e deseño na Escola Mestre Mateo de Santiago. Actualmente compaxina o deseño coa pintura e a ilustración. Participou en varias exposicións colectivas tanto en Cambados como en Vilagarcía e desde o 2009, expón parte da súa obra nos soportais de correos (Rúa do Franco) xunto a outros pintores composteláns.




IRIA RIBADOMAR