Hoxe venres saen publicadas no BOPPO bases reguladoras para a cobertura mediante sistema de mobilidade, dunha vacante de oficial de Policía Local de Cambados.
Esta oposición foi criticada polo portavoz da oposición, Luís Aragunde. Aragunde sostén que se trata dunha convocatoria a medida para «enchufar» ao xefe da policía local, a quen se refireu como o gardacostas e o chofer da alcaldesa. O portavoz popular recoñece que, dada a situación de provisionalidade que afecta a policía, polos constantes traslados do inspector, é preciso atopar unha solución. Pero a que se propón desde a alcaldía non o convence. Luís Aragunde propón que o Concello de Cambados adhírase ao acordo alcanzado pola Xunta e a Fegamp para cubrir as prazas vacantes nos corpos de policía a través da Academia Galega de Seguridade.
Fátima Abal nega que haxa intención algunha de enchufismo. Sostén que "estas prazas nunca se sacan para unha persoa determinada, xamais. É un procedemento aberto a toda Galicia e por concurso de méritos". Sobre a proposta do convenio da Fegamp, declarou que Cambados aínda non o recibiu. Expón tamén que no seu día se convocará outra oposición para cubrir unha praza nova de oficial, coa excepción de que esta será de promoción interna, para que os actuais axentes tamén poidan ser oficiais. "Isto non se fixo nunca en Cambados". Abal tamén negou que Adolfo Suárez exerza de gardacostas ou chófer, "Eu non necesito nin chofer nin escoltas, non lle teño medo a ninguén, podo andar tranquilamente por Cambados, son unha muller independente".
O líder dos populares tamén debería explicar como días antes de saír estas bases xa tiña constancia do contido das mesmas.
BASES DA CONVOCATORIA
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.