CONFIRMADA A BOA SAÚDE DEPORTIVA I ECONÓMICA DO C.J. DE CAMBADOS

Ante unha trintena de socios Matías Fontán presidente do C.J. de Cambados e varios membros da súa directiva presentaron onte na Asemblea Ordinaria, un resultado moi positivo no apartado económico e satisfactorio no plano deportivo.
Nestes intres o clube ten superávit duns 3.000 € e a débeda herdada a súa chegada ao clube de máis de 20.000 € está saldada. 
Polo que respecta á vindeira tempada prevese un aumento nos ingresos para afrontar sen dúbidas un proxecto deportivo algo máis ambicioso que nesta pasada campaña.
No 2015 a idea era ir subindo de categoría pouca pouco. No primeiro ano acadouse o ascenso a Primeira Galega, na pasada era a de estar o máis arriba posible e nesta terceira o obxectivo é claramente o ascenso a Preferente. Para elo o clube tentará confeccionar un plantel competitivo.
O primeiro "reforzo" foi o do Adestrador Roberto Fuentes, trala marcha de Luís Carro ao Ribadumia. 
A columna vertebral do conxunto amarelo vaise ver reforzada con 5 ou 6 novas fichaxes polo que serán outras tantas as baixas, algúns xogadores contan con ofertas de clubes de superior categoría. Varias son as renovacións xa confirmadas e 4 fichaxes tamén confirmados.

Nunhas semanas terá lugar a asemblea da base que este ano aumentará o número de rapaces inscritos.