ARRANCAN "OS XÓVES DE CÓDAX"

A sexta edición de Os Xoves de Códax arranca este xoves cun éxito sen precedentes pois as entradas para o primeiro concerto, de Silvia Pérez Cruz e Uxía, esgotáronse en apenas 20 minutos. "Nunca antes vendéronse as entradas con tal rapidez", apuntan desde a adega. E é que Uxía e Silvia Pérez Cruz son dúas das voces máis importantes e renovadoras que deu a música popular na Península. En Cambados, as dúas artistas ofrecerán un concerto intimista no que o jazz, o flamenco e a rumba convivirán co alalá e os ritmos brasileiros, da man do virtuoso multi-instrumentalista Sérgio Tannus e o guitarrista Mario Más. Os beneficios obtidos das entradas deste primeiro concerto serán destinados a Cáritas.