O XUVEN TEN QUE SEGUIR SUMANDO

No partido que abre a xornada o Cambados Cidade Europea do Viño buscará a novena vitoria consecutiva ante un CB Tarragona que colleu aire na loita pola permanencia. Os de Manu Santos poderían poñer presión a un líder que pechará a xornada o domingo, tamén en casa, ante o sempre perigoso Comercial ULSA CBC Valladolid. A solidez dos de Iker Bueno está a sorprender aos seus rivais, aínda que terá un calendario complicado de aquí a finais de Liga Regular.


O Club Baloncesto Tarragona considera o partido deste fin de semana moi difícil. Os tarraconenses desprázanse a Cambados na viaxe máis longa da tempada para xogar contra Xuven Cambados. Os amarelos atópanse inmersos na loita polo liderado da LEB Prata. Unha xornada máis, Berni Álvarez non poderá contar con Orion Outerbridge, o xogador americano segue recuperándose dunha escordadura de grao 2 que se fixo no seu nocello dereito fai catro semanas.A evolución é boa, pero o xogador non forzará para prepararse para o seguinte partido. O resto de xogadores adestraron con normalidade e estarán a disposición do técnico para o partido. O CBT busca unha vitoria nunha pista moi difícil que lle permita seguir loitando para achegarse a CB L´Hospitalet e saír dos lugares de descenso. Agora mesmo, o CBT está a unha vitoria de Hospitalet na clasificación, pero o average é favorable ao equipo do Llobregat.

O Xuven Cambados é o equipo máis en forma da liga, suma oito vitorias consecutivas e busca a primeira posición da clasificación, o cal lle daría o ascenso directo a LEB Ouro, algo complicado debido a problemas económicos xurdidos nos últimos dias. Nas últimas xornadas, Xuven conseguiu gañar os partidos de maneira clara, entre as vitorias máis meritorias destaca a conseguida contra Granada por 13 puntos, contra Fundación Lucentum por 18 ou contra o líder da liga, Sammic ISB, por 9 puntos. O equipo adestrado por Manuel Santos é o equipo máis anotador da liga con moita diferenza, anotan 84 puntos por partido. Tamén é o equipo con mellor porcentaxe en tiros de dous e en tiros de tres, é o equipo cunha media de valoración máis alta por partido. Charles Nkaloulou é o máximo anotador, o xogador do Congo anota 14,5 puntos por partido cun 56,6% de acerto no tiro. Shota Gelazonia é o líder da pintura do equipo amarelo, case 10 puntos por partido para o xogador de Xeorxia. Quintela é o base titular, un xogador que reparte moito xogo e capaz de anotar, con 10 puntos por partido e boas porcentaxes, o segundo base do equipo é o exjugador do CBT Adrià Baiget, o base de Tarragona cada vez ten máis peso no equipo e xoga 16 minutos por partido, Baiget está a anotar a metade dos triplos que tenta.

O técnico do CBT destacou a moitos xogadores do equipo de Cambados. "Chapela está a un nivel superior defensiva e ofensivamente. Osborne, Quintela e Baiget están a botar moi ben, Rubio achega físico. Por dentro de Charles ou Don están con moita confianza no tiro, especialmente Don, despois do seu último partido, e a boa capacidade de Gelazonia". Respecto do seu propio equipo, Berni Álvarez dixo que "Debemos tentar que a viaxe non nos afecte demasiado, tentar controlar o rebote e poñer un ritmo diferente. Tamén temos que ser mentalmente moi fortes para aguantar as súas series anotadoras".


Comunicado do Xuven pedindo axuda para rematar a tempada sen sobresaltos económicos

A directiva do Xuven acordou poñer en marcha a campaña “Colabora co teu club” de cara aos tres partidos que quedan por disputar no Pombal na fase regular.
As dificultades económicas e os sobrecustos orixinados pola ampliación da liga fan que teñamos que pedir axuda aos socios que voluntariamente queiran colaborar nesta iniciativa.
Consistirá en pagar 5€ da entrada nos partidos como local e aqueles que participen entrarán no sorteo de cinco abonos para o playoff de ascenso.
Cada día que colabore o seu número de socio entrará no sorteo que se fará unha vez rematada a Liga regular.
Esta está a ser unha tempada brillante a nivel deportivo pero moi complicada no tema económico. Estase a traballar moito para poder rematar este exercicio coa menor débeda posible e por ese motivo pedímosvos aos socios a vosa colaboración. Son momentos difíciles e creo que calquera de nós pode entendelo. 

Un saúdo e moitas grazas.