PRIMEIRA DERROTA DO XUVEN

O líder encaixou a súa primeira derrota do curso en Azpeitia. Xuven Cambados non deixa a súa primeira praza, pero agora hai outros cinco equipos igualados cos galegos a 4-1: Covirán Granada, HLA Lucentum, Carrefour ‘El Bulevar’ de Ávila, Aceitunas Fragata Morón y Sammic ISB.

Inicio de partido de vertixe no Polideportivo de Azpeitia, con 10-8 no marcador sen cumprirse catro minutos de xogo. O encontro era unha homenaxe ao xogo ofensivo e co oitavo punto do recentemente chegado De Ciman os de Iker Bueno cerraraban o primeiro cuarto con +5 no marcador. A última fichaxe dos vascos estaba lanzado e íase ata os 13 tantos en apenas un minuto do primeiro período para colocar o 32-25. Pero o líder mostraba as súas credenciais cun parcial 0-8 para poñerse por diante (37-38). Michael Karena daba a substitución anotadora nos locais, que volvían tomar o mando rumbo aos vestiarios (50-46).

Á volta de vestiarios, os de Iker Bueno golpeaban con forza, índose ao +10 (61-51). Manu Santos paraba o encontro e Shota Gelazonia tiraba dos seus para remontar e provocar agora o tempo morto de Iker Bueno (65-64). O partido ía de enrachados e era a quenda de Ander García (74-68). Os vascos entraban no período final cuns moi valiosos oito tantos de renda, que se convertían en 9 grazas a De Ciman (81-72). O partido poñíase moi costa arriba para o líder, que tiraba de carácter para buscar a remontada (81-79). Pero neste momento clave, os cañoneros locais acertaron: dous novos triplos de De Ciman e Ander García pechaban a primeira derrota de Xuven Cambados.

A clave: Chegar e bicar o santo. 28 puntos e 5 rebotes para De Ciman, última fichaxe vasca. Unha actuación que neutralizou os 33 de valoración de Shota Gelazonia.

Estatística


Fonte: Feb.es