ACEVIN PREMIA TRES INICIATIVAS DA D.O. RIAS BAIXAS

Os III Premios de Enoturismo "Rutas do Viño de España", convocados pola Asociación Española de Cidades do Viño (Acevin), xa teñen gañadores. Tras estudar todas as candidaturas presentadas a esta nova edición, con novas categorías ata sumar un total de trece, tres delas pertencen á D.O. Rias Baixas

Mellor Recuncho ou Espazo Enoturístico

ADEGA PAZO BAIÓN (Ruta do Viño de Rías Baixas)
Pola singularidade da leira situada no corazón do Val do Salnés que, cunha superficie de 30 hectáreas de viñedos, ofrece un das paisaxes máis espectaculares do panorama vitivinícola mundial; así como polos edificios históricos que forman parte desta leira: adega centenaria, pazo do século XV, hórreo, vaquería e pombal.

Mérito á Accesibilidade no Enoturismo

TALLER DE MEMORIA SENSORIAL PARA INVIDENTES (Ruta do Viño de Rías Baixas)
Polo desenvolvemento dunha actividade especialmente deseñada para persoas invidentes, ao obxecto de facelas partícipes da cultura vitivinícola, traballando así para impulsar a adaptación e universalización da oferta enoturística.

Nalgunhas categorías concedéronse, igualmente, Mencións Especiais:

QUINTA SAN AMARO (Ruta do Viño de Rías Baixas)



Os Premios de Enoturismo "Rutas do Viño de España" non teñen dotación económica e neles poden participar todos os establecementos e institucións que forman parte do club de produto Rutas do Viño de España cuxa actividade se relacione co turismo vitivinícola. Con eles perséguese condecorar e recoñecer publicamente o labor de empresas e de territorios no desenvolvemento e enriquecemento continuo da oferta enoturística do noso país e o esforzo desenvolvido para ese fin.

115 candidaturas presentadas
Estes III Premios de Enoturismo "Rutas do Viño de España" bateron un récord en canto á presentación de candidaturas, que chegaron practicamente de todas as Rutas que actualmente forman parte deste club de produto. Un total de 115 propostas competiron nas diferentes categorías concorrentes que, ademais, tamén contaban con novidades nesta edición, coas incorporacións dos premios ao Mellor Municipio Enoturístico, Mellor Oferta Gastronómica, Mellor Establecemento Enoturístico, Mellor Experiencia Enoturística e Mellor Recuncho ou Espazo Enoturístico.

Taller de Memoria Sensorial para
Invidentes celebrado en Cambados

O xurado recoñeceu a dificultade á hora da elección, debido á extraordinaria calidade destas candidaturas, o que mostra, ao mesmo tempo "o grao de innovación e dinamismo que está a vivir o sector do enoturismo español en xeral e os destinos e empresas do club de produto Rutas do Viño de España, en particular".

Como na ocasión anterior, a terceira edición dos Premios de Enoturismo "Rutas do Viño de España" volveu a contar coa participación do público. Os enoturistas españois puideron votar polos seus establecementos e iniciativas preferidos a través dunha aplicación desenvolvida na páxina de Facebook de Rutas do Viño de España. As 10.500 valoracións recollidas tamén foron tidas en conta polo xurado profesional e, entre todos eses participantes, o club de produto Rutas do Viño de España sorteou un total de 11 premios que inclúen visitas a diferentes adegas de diversas Rutas e lotes de viño. Todos os galardoados con premios e mencións especiais serán homenaxeados no Acto de Entrega dos III Premios de Enoturismo "Rutas do Viño de España" que terá lugar o próximo día 22 de novembro en Madrid e que contará coa participación de representantes dos Ministerios de Industria, Enerxía e Turismo e de Agricultura, Alimentación e Medio Ambiente.

26 membros

Acevin está formado actualmente por 26 destinos vitivinícolas localizados por toda a xeografía nacional; agrupa a máis de 550 municipios e 2.000 empresas (600 das cales son adegas) e recibe máis de 2 millóns de visitantes anuais. As principais zonas vitivinícolas do país contan con Rutas do Viño formalmente constituídas, creadas cun modelo propio de calidade e agrupadas en torno ao Club de Produto Rutas do Viño de España: Alacante, Arlanza, Bulas, Calatayud, Campo de Cariñena, Cigales, O Bierzo Enoturismo, Empordà, Jumilla, Marco de Xerez, Garnacha-Campo de Borja, Lleida-Costers do Segre, Montilla-Moriles, Navarra, Enoturisme Penedès, Rías Baixas, Ribeira de Douro, Ribeira do Guadiana, Rioxa Arabesa, Rioxa Alta, Rueda, Serra de Rolda, Somontano, Txakoli, Utiel-Requena e Yecla.