OS NENOS SAHARAUIS MARCHARON TRAS MES E MEDIO ENTRE NOS

Os 325 nenos que viñeron xa teñen as maletas feitas para volver a casa esta noite coas maletas cargadas de vivencias e unha experiencia única.

Nas casas das familias que participaron este verán no programa de acollida 'Vacacións en paz' ferven os preparativos a estas horas. Os 325 nenos saharauís que viñeron a Galicia xa teñen as maletas feitas para volver cos seus. Nelas levan de todo: comida, roupa, xoguetes, pero sobre todo moitas vivencias e unha experiencia única.

Os cativos levan en Galicia mes e medio gozando dun verán diferente ao que lle tocaría vivir no campamento  saharauí. 

Durante mes e medio a vida aquí apenas se altera. Son uns máis na familia e enchen toda a casa de vitalidade.

Din que a experiencia é do máis enriquecedora e que os nenos dan máis do que reciben. O cariño que levan estes nenos non se plasma nunha maleta que hoxe vai cargada de xoguetes, roupa e comida para as súas familias, senón nos recordos que seguro van permanecer neles para sempre.