Como xa publicamos onte Deputación de Pontevedra, mediante resolución presidencial, vén de outorgar unha axuda por importe de 18.331,10 € ao concello de Cambados para a adecuación do quiosco de Torrado. A subvención a esta edificación de titularidade municipal atópase enmarcada na liña 1, investimentos, do Plan Concellos 2016.
O Concello pretende dotar ao quiosco de melloras para poder alugalo en mellores condicións económicas para as arcas municipais.
Esta contía súmase ás entregadas anteriormente pola institución provincial. Ata o momento a Deputación leva entregados xa 343.423,06 €, liña 1, para o soterrado dos tendidos eléctricos da Rúa Real, a mellora da capa de rodadura e dotación de beirrarúas en Burgáns, para o equipamento dun transformador nas inmediacións da Praza de Abastos, a estación de bombeo de augas residuais en Laxes e a pavimentación de camiños en Lourido-Sartaxes. Ademais, 135.767,02 €, dentro da liña 2, para o pago de gastos correntes, 33.941,76 € para o financiamento de "Actividade de Nadal" e "Actividade de Entroido" (liña 3) e, por último, 202.156,74 € coa fin de xerar 29 novos postos de emprego no concello, na liña 4.
Neste primeiro cuadrimestre do ano, a Deputación provincial leva investidos na vila 733.619,68 euros, o que representa o 81% do total destinado a Cambados dentro do Plan Concellos 2016.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.