ORDENANZA DE TRANSPARENCIA, ACCESO Á INFORMACIÓN PÚBLICA E REUTILIZACIÓN DE DATOS DO CONCELLO DE CAMBADOS

O Pleno da Corporación, en sesión celebrada o día 22.12.2015, acordou aprobar inicialmente a “Ordenanza de Transparencia, Acceso á Información Pública e Reutilización de Datos do Concello de Cambados”; exposto ó público o expediente, e non téndose presentado contra o mesmo reclamación ou alegación algunha, elevase a definitivo o acordo ata entón provisional, publicándose no BOPPO o seu texto íntegro para o seu coñecemento.

A transparencia e a súa consecuencia práctica, a participación, son dous principios fundamentais nos estados modernos. A Constitución española incorpóraos ó seu texto en forma de dereitos nos seus artigos 20.1.d), 23.1 e 105.b), algún deles fundamentais, e polo tanto, da máxima importancia e protección.= O contexto social e tecnolóxico dos últimos anos fai que estes dereitos sexan demandados con máis forza, garantidos ata o momento, en parte, mediante disposicións illadas como o artigo 37 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común. Estes dereitos teñen así mesmo a súa plasmación no artigo 6.2 da Lei 11/2007, de 22 de xuño, de acceso electrónico dos cidadáns ós Servizos Públicos, cuxa disposición final terceira fala especificamente das administración locais.= Por outra parte, o artigo 70 bis.3 da Lei 9/1985, de 2 de abril, Reguladora das Bases do Réxime Local, introducido pola Lei 57/2003, de 16 de decembro, de medidas para a modernización do goberno local, establece literalmente cunha redacción similar á citada disposición final o seguinte: “…as entidades locais e, especialmente, os municipios, deberán impulsar a utilización interactiva das tecnoloxías da información e a comunicación para facilitar a participación e a comunicación cos veciños, para a presentación de documentos e para a realización de trámites administrativos, de enquisas e, no seu caso, de consultas cidadás. As Deputacións provinciais, Cabildos e Consellos insulares colaborarán cos municipios que, pola súa eficiente capacidade económica e de xestión, non poidan desenvolver en grado suficiente o deber establecido en este apartado”