O PEIXE GALEGO MARÍN ACADA O ASCENSO

Sen contemplacións arrincou o choque de A Raña, con ambos os equipos lanzándose a un xogo ofensivo. Polo bando visitante, Jesús Vargas levaba a voz cantante, anotando seis puntos case seguidos (6-13). A réplica local chegaba por parte de Javonte Green: tiro, mate e triplo para igualar o encontro. E todo apenas transcorridos cinco minutos. Os 7 puntos do estadounidense foron o comezo dun espectacular parcial 22-0, con Norman Rey afinando desde a longa distancia.

A Raña estalaba co primeiro cuarto do seu equipo (33-17), culminado con catro puntos seguidos de Noguerol. Morón conseguía conter o vendaval galego no arranque do segundo acto (35-23) e mesmo obrigaban a Javi Llorente a parar o encontro tras situarse a dez puntos (37-27). O parón reactivou a Marín, que encadeou un 7-0 en dous minutos para conservar unha cómoda renda por encima da decena camiño de vestiarios (47-34). Alo Marín anotaba a primeira canastra da segunda metade para achegar máis aos sevillanos, pero o seu rival lanzábase cara ao ascenso cun 11-0 que lles daba a máxima renda do encontro (58-36).
Javier Fijo paraba o encontro e refrescaba as ideas dos seus, que reaccionaban cun 0-11 que agora facía que fose Javi Llorente o que pedise tempo morto (58-47). O parcial sevillano crecía ata un 0-14 ata que Navallas cortábao con dous tiros libres que pechaban o terceiro período (60-50). Marín non quería máis sustos e arrincaba o último cuarto cun 7-0 (67-50). Olivas Fragata Morón non baixaba os brazos, comezaba a remar e entraba nos cinco últimos minutos a dez puntos (69-59). Nese momento clave, Navajas e Green sumaban seis puntos importantísimos para volver despegarse e tranquilizar a unha afección xa desexosa do bocinazo final. O á-pivote culminaba o seu gran partido co seu punto nº23 antes de retirarse lesionado a dous minutos para o final, co seu equipo 20 arriba (81-61) e coa festa xa lanzada na Raña.

A clave: O primeiro cuarto dos de Javi Llorente, impulsados por un espectacular 22-0, lanzou aínda máis a súa confianza. Despois, os galegos souberon conter os arreones dun conxunto sevillano que non baixou os brazos ata o bocinazo final. No apartado individual, enorme partido de Javonte Green (24 puntos e 31 de valoración), Antonio Pantín (10 tantos, 10 rebotes e 25 de valoración) e Alejandro Navallas (23 tantos e 23 de valoración).


Estadística

Fonte:FEB.es