O XUVEN XOGA UN IMPORTANTE PARTIDOCONTRA UN RIVAL DIRECTO

Un dous importantísimos encontros na parte baixa da clasificación terá lugar en Torremolinos. IF Clínicas Rincón, trala súa significativa vitoria na cancha de Viten Getafe, ten a oportunidade de afastar a dúas vitorias ao seu rival deste sábado, podendo dedicarse a pensar en mirar cara arriba na clasificación, agora que afrontan tres partidos seguidos como locais. A marxe de erro para o Xuven de Cambados é menor: necesitan a vitoria para superar ao seu rival e afastarse da zona máis perigosa, sobre todo tendo en conta o partido que se disputará en Zaragoza. Ademais, os de Miguel Angel Hoyo teñen que sumar vendo o  complicado calendario que lles vén encima: Araberri, Ávila e Marín. 
Ambos equipos, separados por tan só unha vitoria, seguen buscando meterse nas posicións cómodas que dan acceso a xogar os Play Off polo ascenso de categoría, que aínda que non é o obxectivo de ningún dos dous conxuntos, sempre é unha ilusión que está no horizonte cada xornada que pasa.

Xuven Cambados vén de perder en casa ante SAMMIC ISB por 63-76. No seu plantel conta con xogadores moi novos pero expertos na categoría. Si hai que destacar a algún deles, sen dúbida sería Joel Freitas. O escolta é o seu mellor arma anotadora, cunha boa man desde o exterior e sendo un dos referentes do equipo e da competición neste novo ano que vive en Cambados. Se complementa á perfección con Adrián Chapela, base con experiencia en LEB Oro nas filas do Breogán e que este ano decidiu ter minutos e sentirse importante nun equipo con opcións de seguir crecendo aos poucos. Que mellor que Xuven Cambados para facelo e a aposta estalle saíndo ben. Miguel Anxo Hoyo ten toda a súa confianza posta nel e non lle está fallando. Así, Alberto Rodríguez e, Max Hopfgartner, son outros dos xogadores aos que haberá que mirar con lupa porque si se atopan cómodos na pista será complicado que Xuven Cambados non teña opcións de traerse a vitoria para Cambados.

Atención a: Adjehi Baru. Logo da súa primeira aparición ante o seu público, bastante mellorable, sendo claramente superado por Sandy Marcius, ao pívot tócalle "bailar" con Viny Okouo, un dos interiores máis en forma da competición.

O dato: Cara a cara entre o segundo ataque menos anotador (68.76 tantos) e o máximo anotador (82.59). Ou dándolle a volta, cara a cara entre a segunda mellor defensa (69.59) e a peor (84.12). O que impoña o seu estilo terá moito gañado.

Na primeira volta: 73 a 69 para os amarelos. Catro puntos moi a ter en conta. "Sabemos que son moi duros e xa nos gañaron na súa pista porque estiveron máis concentrados. Saímos perdendo xa de 10 puntos e iso é complicado de remontar cando xogas fóra nunha competición tan igualada como esta", destacou Paco Aurioles técnico local na previa.





.