FIN DE SEMANA EN ALERTA LARANXA POR MAL TEMPO

NIVEL DE ALERTA: LARANXA/AMARELO

A Axencia Estatal de Meteoroloxía (AEMET) informa que durante a fin de semana espérase unha situación especialmente adversa en Galicia. Ademais da choiva caída espéranse acumulacións que poderían superar os 200 mm en 48 horas, especialmente no interior da provincia de Pontevedra e suroeste de A Coruña.
Tamén se esperan intensos ventos, especialmente durante a xornada do domingo, que afectarán a gran parte do territorio galego e non só aos litorais, estimándose que poderían alcanzarse os 90 km/h. en numerosos puntos do interior e intensidades aínda maiores no interior da provincia de Pontevedra (arredores das Serras de Faro e Suído).

En previsión destes feitos, a Dirección Xeral de Emerxencias e Interior mantén o Plan Especial de Protección Civil ante risco de anegamentos en fase de ALERTA.
 

POLO QUE A DIRECCIÓN XERAL DE EMERXENCIAS E INTERIOR COMUNÍCALLES, QUE, EN PREVISIÓN DESTES FEITOS: Adopten as medidas preventivas necesarias ante as citadas predicións meteorolóxicas e no seu caso ALERTEN ou MOBILICEN ós medios e recursos dispoñibles
 

 No caso de precisar información máis puntual ou detallada, chame ao CENTRO DE ATENCIÓN DE EMERXENCIAS 112 GALICIA, ou consulte a páxina web da AEMET: www.aemet.es., do CAE 112: www.axega112.org e de Meteogalicia: www.meteogalicia.es

Máis información