A Asociación Galega de Traballadores Autónomos e do MAR (AGTAMAR) e a Unión de Profesionais e Traballadores Autónomos (UPTA) organizan o vindeiro mércores 2 de decembro en Exposalnés unha xornada denominada “Fomento do Traballo Autónomo como vía de Creación de Emprego”.
O obxectivo xeral da xornada é promover e fomentar o emprendemento como vía sostible de creación de emprego eliminando as barreiras que poidan frear ao colectivo obxecto do proxecto a levar a cabo o seu proxecto de autoemprego e difundir de maneira clara e precisa as medidas de fomento do emprendemento levadas a cabo polo goberno.
A actividade vai dirixida a persoas que se atopan en situación de desemprego, demandantes de emprego que amosen iniciativa emprendedora, estudantes de ciclos ou obradoiros de emprego, que se enfronten ao mercado laboral.
Tamén a colectivos de parados de longa duración, xóvenes, mulleres e persoas con discapacidade.
A xornada está aberta a todas aquelas persoas que indistintamente da súa situación laboral teñen ou se plantexan algunha iniciativa emprendedora.
Contido da Xornada:
-Presentación de obxectivos e procedementos de actuación
-Breve introducción ao autoemprego. Detección de capacidades, posibilidades e oportunidades
-Como orientar a iniciativa económica. Análise do aproveitamento do portal de emprego e autoemprego do Ministerio de Emprego e Seguridade Social
-Orientación formativa segundo as súas necesidades
-Medidas especiais de apoio ás persoas que disfrutan do acceso a unha prestación contributiva (capitalización, compatibilidades, reserva dos dereitos de prestación, figura do autónomo colaborador, promoción do relevo xeracional)
-Obrigas fiscais e coa Seguridade Social
-Aproveitamento das novas tecnoloxías e mellora da competitividade
-Intercambio e dinámica colectiva
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.