18 CONCENTRACIÓN "MOTOS VELLAS DO SALNÉS"

O Club Motos Vellas do Salnés organiza a 18 Concentración de Motos Vellas e así o publicaban no seu blog.....

Fai xa 18 anos que un grupo de persoas, amantes dos ferros con dúas rodas, se puxeron de acordo (e non é doado), para fundar un club de motos clásicas, e entre outras cousa facer unha concentración anual. É aínda máis difícil continuar facéndoa 18 anos despois, hai moitos "elementos" en contra. Non obstante un ano máis temos o pracer de darvos toda a información sobre a nosa concentración, a XVIII, (a da maioría de idade).


As nosas normas ao igual que todos os anos só permiten inscribir motos cuxo modelo sexa anterior ao ano 1970.
A nosa intención é evitar facer unha concentración, que se encha de motos que non son nin clásicas nin modernas. Para estas outras motos, moi respectables, algunhas excepcionais, e dos que todos temos algunha, hai outras concentracións.
Repetimos que só podemos aceptar motos anteriores ao ano 1970.
Como detalle da organización, e ao igual que outros anos, todas as que veñan e estén matriculadas con anterioridade ao ano 1950, non pagan inscrición.
O prezo da Concentración é de 30 euros por persoa, no caso de que só queiras vir a dar a volta e tomar os pinchos serán 12 euros por persoa.

Detalle do percorrido -------------}}}}

Reunirémonos na Praza de Fefiñans a partir das 9:30 da mañá, para saír ás 10:30, polo que pedimos a máxima puntualidade.
Sairemos de acordo ao percorrido que podedes ver a continuación, pararemos en pouco máis de media hora no MUIÑO dá CONDA, onde teremos un pincho "completo", despois continuaremos co percorrido facendo un stop no miradoiro de Lobeira a facer unhas fotos, dende aí pasando por Vilagarcia acabaremos parando de novo a repoñer forzas na Estación Maritima de Villanova de Arousa, e dende aí sairemos para dar unha volta rápida pola Illa de Arousa e finalmente volver a Cambados, para aparcar na Praza de Fefiñans, e ir andando á comida que será no Parador de Cambados.

Despois da comida haberá brinde, alocucións varias e entrega de regalos e por suposto despedirémonos ata o ano seguinte.


Info e Imaxes- CLUB MOTOS VELLAS DO SALNES