Por unha xestión municipal transparente e
libre de corrupción
Dentro das propostas de
cara ás próximas elecións municipais, o BNG márcase como prioridade a profundización na
democracia directa, creando un concello participativo,
transparente na xestión e con capacidade para facer fronte ás necesidades de
veciños e veciñas.
Así mesmo o BNG demanda unha reforma do funcionamento dos
concellos a diferentes niveis: finanzamento, autonomía municipal, agrupacións
de concellos e mancomunidades, desaparición das deputacións…
As liñas de
actuación propostas polo BNG para acadar unha xestión municipal transparente e
participativa son as seguintes:
INCREMENTAR AS CANLES DE PARTICIPACIÓN SOCIAL
-Neste apartado o
BNG considera imprescindible establecer novas canles de participación: Reforma
do Regulamento Orgánico Municipal, creación dos Consellos Sectoriais (Escolar,
Cultura, Deportes, Económico-Social, Saúde…), Consellos Parroquiais …
-O BNG propón a
mellora e redefinición da web municipal (actualmente inútil), servindo de ventá
de todas as actuacións municipais, de modo accesible e transparente.
-Impulsar o
movemento asociativo para activar e enriquecer a vida municipal; todo o
contrario do que está a suceder na actualidade.
-Facilitar o
emprego de locais públicos para o desenvolvemento de actividades asociativas,
en especial da mocidade.
-Constituir o
Padroado da Festa do Albariño, con participación de todos os sectores; un
organismo que se encargue de planificar, organizar e administrar todo o
relacionado coa festa para que deixe de ser utilizada como
promoción dun partido político.
l APOSTAR POLA TRANSPARENCIA E A ÉTICA NAS ACTUACIÓNS
MUNICIPAIS
-Facilitar
información ás asociacións e á cidadanía en xeral e, por suposto, aos partidos
políticos (que se remate co mal hábito do PP de non dar información dos gastos
da Festa do Albariño, dos convidados, do retraso das actas ...).
-Garantir a
transparencia e a equidade no acceso aos postos de traballo e en todos os
concursos públicos e contratacións de obras ou servizos, coa participación de
todos os grupos políticos nos tribunais de oposicións.
-Revisar o control dos procedementos de contratación
ou selección de traballadores e traballadoras por parte do concello. Elaboración de listas de contratación para
a cobertura, con carácter temporal, de postos de traballo no concello (impedir
que o concello sexa patrimonio dun partido político como fai o PP).
APLICAR UNHA FISCALIDADE XUSTA,
REDISTRIBUTIVA E ADAPTADA Á REALIDADE
- Revisión a fondo
das finanzas municipais a comezo do mandato.
- Reformulación das
taxas e impostos municipais, aumentando a progresividade fiscal, axustando os
baremos á realidade local e axudando a corrixir as desigualdades sociais.
MODERNIZAR A ADMINISTRACIÓN
MUNICIPAL:
-Facer un concello
máis áxil e eficaz. Realizar a reorganización interna primando criterios
de eficacia, eficiencia e austeridade. Crear unha RPT en
función das necesidades do concello e non ao revés (como fai o PP)
-Facilitar os
trámites administrativos a través da rede (ás novas tecnoloxías ao servizo do
cidadán e non de adorno como ocorre agora).
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.