Artistas, deportistas, escritores, políticos, pero sobre todo xente anónima fixeron xa a sua autofoto coa lingua fora para burlarse da "AME" (Atrofia Muscular Espinal) en solidaridade con Merchi Álvarez Fernández e todas as persoas que como ela padecen esta rara enfermidade.
Temos que seguir para acadar as 5000 autofotos que nos propuxemos e xa so quedan 1000. Levamos 4000 en case 2 meses pero temos que seguir.
Prensa nacional e local, radios locais xa se fixeron eco do evento.
Como sabedes o reto consiste en conseguir 5000 selfies de persoas botándolle a lingua a esta enfermidade. Podedes poñer o hashtag #stopAME nas vosas fotografías no evento creado polo Grupo Cambados Noticias neste ENLACE.
QUE É A "A.M.E."
A Atrofia Muscular Espiñal (AME) é unha enfermidade neuromuscular, de carácter xenético, que se manifesta por unha perda progresiva da forza muscular. Isto acontece debido á afectación das neuronas motoras da médula espiñal, que fai que o impulso nervioso non se poida transmitir correctamente aos músculos e que estes se atrofíen.
A atrofia Muscular Espiñal (AME) é unha enfermidade hereditaria autosómica recesiva: ambos os dous pais teñen que ser portadores do xene responsable da enfermidade. Aínda que ambos os dous pais sexan portadores, a probabilidade de transmitir o xene defectuoso é do 25%: un de cada catro e independente en cada novo embarazo.
Considérase a segunda causa principal de enfermidades neuromusculares, cunha incidencia de 4 afectados por cada 100.000 persoas. Dáse en ambos os dous sexos por igual (as formas infantís).
Calcúlase que ten unha incidencia de 1/10000 nacidos vivos, cunha frecuencia de portadores (levan unha soa copia do xene mudado, polo que non padecen a enfermidade) entre 1/40 a 1/60 estímase que existen máis de 1.500 afectados en España.
MÁIS INFORMACIÓN
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.