TODO UN ÉXITO A INICIATIVA CADROS CONTRA #AME

Esta mañán tivo lugar o acto no que LINO SILVA e "GOGUE" RODRÍGUEZ pintaron os seus cadros diante de público para unha vez rematados poñer en subasta para recadar fondos para FUNDAME.
A colaboración do Concello, o grupo local SHARKNADOOS dos blogs A TI MEU CAMBADOS, ALZA LA VOZ CAMBADOS e CORES DE CAMBADOS e por suposto dos dous aristas fixo posible o evento que agardemos sirva para recadar a maior cantidade de cartos para a investigación desta enfermidade.

Centos de persoas acercáronse ata a Praza de Alfredo Brañas para comprobar in-situ como os artistas facían os cadros. Lino Silva fixo varios debuxos a carboncillo, aparte do que xa fiera para donar e "Gogue" amosou como sae unha tira de Floreano como as que vemos todos os dias no xornal no que colabora, pero esta vez en cores.
Moitos dos asistentes sacaron a sua lengua para a foto e así aumentar o número de linguas contra #AME.
Entre os asistentes a destacar membros dos tres Grupos Políticos con representación na corporación local. Polo PP estivo o alcalde, polo BNG Víctor Caamaño e M. José Cacabelos e do PSOE Fátima Abal e varios membros do seu partido.

Aparte do grupo SHARKNADOOS tamén amenizou o acto o grupo de gaitas  Os demos da petaca.


Houbo tamén unha sorpresa para os pintores. Unha lingua donada e feita a man por unha amiga do Facebook (Parapalmira Palmirita) foilles regalada a cada un.

Tamén o artista local Tino Chaves donou unha pintura sua para ser subastada.

Desde aquí agradecer a todos os asistentes e aos colaboradores (músicos e artistas)  a sua axuda para que este evento sinxelo fixera desta mañán un tanto gris algo verdadeiramente bonito e gradable.