RICARDO DOMINGUEZ ESCRIBE SOBRE O CRISTO

ARAGUNDE, ¿POR QUE NON METES O CRISTO NO CU?

POR RICARDO DOMINGUEZ REY

Dende logo outra cousa non pero a capacidade do alcalde Aragunde  para sorprendernos  non coñece límites; a derradeira o “cristo” (nunca mellor dito) que se montou  a raíz da restauración dunha  talla de madeira sita no cemiterio municipal de Santa Mariña.

Eu non vou a entrar na polémica de si o Concello está tan “pelado”  que non se pode permitir nin  os 7.000 euros que podería chegar a custar dita restauración; este Concello “perita” como o denominou no seu  momento o alcalde para dicir que estaba excelente no aspecto económico .........paréceme a min que aquí a unica “perita” que había  era a “pera mental” que tiña Aragunde cando dixo semellante “parida”.

O que realmente me indigna do asunto é a escala de valores e prioridades do goberno local ¿realmente non hai problemas moito mais  importantes no pobo que a restauración dunha  imaxe relixiosa?  ¿¿¿pero é que estamos parvos ou que???-

Ademais para acabar de rematala e, tras desistir o concello de facer fronte a tan disparatado gasto, agora sopesa en pedir unha subvención a outras administracións públicas ou, mesmamente, falou,  nun principio, de  facer unha recolecta entre os veciños.

Isto  lémbrame moito o acontecido fai pouco mais de dous anos cando o alcalde en relación co tema  da estatua de Fraga dixo aquilo de que  non tiña nada que ver, que o único que fixo cando lle chegou xente dese  “suposto” sector do viño con tal idea, foi saír entusiasmado  a solicitar un subvención para tal fin.  Como xa dixen anteriormente está claro cales son as prioridades para o Consistorio.

Fai apenas uns meses neste e noutros blogs cambadeses denunciamos algo que nos parecía  realmente penoso como era o feito  de  que fronte as 414 solicitudes para as axudas municipais de libros escolares presentadas por familias que  están, en algúns casos,  pasándoo realmente mal, o concello soamente prestou dita axuda a 106 familias, apenas un 25 % do total;  pois ben, ¿lembrades que daquela o concello se molestase tanto en solucionar o problema para o 75 % restante como fai hoxe en dia co tema da figura relixiosa? ¿lembrades que saíse o alcalde dicindo que fose a pedir unha subvención para axudar a esa xente que non podía pagarlle os libros aos seus fillos?  Sabedes tan ben coma min a resposta.

Debo aclarar para non dar lugar a malentendidos que isto non ten que ver, en absoluto, coas crenzas relixiosas de cada un; eu non son crente e paréceme ben que haxa xente que crea en Deus pero que, en ningún caso, iso debe ser unha competencia do Concello pois con elo prodúcese unha situación de privilexio a un determinado credo en prexuízo dos demais.

Obviamente xa sabemos todos cales son as relacións entre o PP e a Igrexa en Cambados,  ou ¿porque creedes que van con tanta ansia as monxas do asilo a levar aos velliños a votar o dia das eleccións?  ¿por inspiración divina ou por inspiración da súa “eminencia” Don José Aldao? ..............Santo varón todo sexa dito.    

 

Un saúdo a todos.

            

RICARDO DOMINGUEZ REY