PREVIA DO XUVEN-CB ACADEMY

Os grancanarios chegan a Cambados fortalecidos pola xeirade sete triunfos en nove partidos, con ganas de seguir sumando. E é que os diesel Berni Hernández e Roberto Guerra xa colleron o ton á competición. A ilustre parella de veteranos, xunto con Quintana, xa se encontran co ritmo adecuado para competir con garantías na Prata. E o seu equipo nótao e moito. Tras tres vitorias consecutivas, a CB Academy xa pensa máis en 'playoffs' que en descenso. De feito está a unha soa vitoria da zona, que dá dereito a loitar polo título. A visita ao Pombal será, iso si, de alta esixencia, ante un equipo que si se moveu en zona de 'playoff' todo o ano. Ademais, os de Yago Casal quererán resarcirse ante a súa afección da axustada derrota no derbi. Tras perder 18 balóns na Raña, a solidez do Xuven volve estar a proba.

A seguir: Kulikov, nas tres últimas xornadas case dobre dobre.
O dato: Sete triunfos nos últimos nove partidos. 
A ida: +11 para Xuven Cambados (60-71)
Data e hora: sábado, 18:00 horas (Canal Xuven)