IV XUNTANZA DE CETREROS EN CAMBADOS

O vindeiro sábado 06 de setembro, a Sociedade Galega de Cetrería organiza a IV Xuntanza de cetreros. Do mesmo xeito que en anteriores edicións, o lugar elixido é o "Pazo de Torrado" situado en Cambados (Pontevedra).

O obxectivo é reunirse, coñecerse, charlar, comer, placear os páxaros...en definitiva, pasalo ben e facer o que gusta con xente que comparte a mesma afección.  

Dicir tamén que o parque estará valado para que poidan pinchar alí as aves e ninguén as moleste,  terán zonas de sol e zonas de sombra.

Os cetreros que acudan cun ave terán aparcamiento reservado a uns 20 metros do parque.
A comida é gratuita para os socios da sociedade galega e terá custo de 3 euros para a súa parella. Para os nenos é gratis.

Os cetreros galegos non socios que desexen comer connosco terán que abonar 10 euros e os cetreros que veñan desde fóra da nosa comunidade poderán asistir de xeito gratuita.

Aquelas persoas interesadas poden poñerse en contacto  a través deste correo gallegadecetreria@hotmail.com ou ben cun WhatsApp ao tlf. 610 42 60 30

MÁIS INFORMACIÓN:cetrería.com