PERIODISTAS CHINOS RECORREN PARTE DE GALICIA

Xornalistas chineses están a realizar unha serie de reportaxes polas Rías Baixas para publicar en medios de prensa e revistas especializadas de ampla difusión en China.

A iniciativa é de Turismo de Santiago en colaboración coa Deputación de  Pontevedra e pretende achegar ao mercado chinés os atractivos turísticos, sociais e económicos das zonas de Santiago de Compostela e as Rías Baixas.
Os xornalistas chineses percorreron hoxe a Ría de Arousa, a bordo do barco Neptuno Sub, visitando as bateas para coñecer a produción de mexillón, ostra e vieira. Visitaron tamén os cascos antigos de Combarro e Pontevedra, a vila de Cambados e a adega Pazo de Fefiñáns.
O press trip dos xornalistas chineses ten como base a publicación na revista china New Weekly, de ampla difusión nacional, dunha reportaxe sobre puntos de interese en España. A revista ten unha tirada de 250.000 exemplares e publícase dúas veces ó mes. Esta reportaxe inicial será publicada o vindeiro 1 de outubro con amplo número de páxinas, fotografías e entrevistas.