A DEPUTACIÓN VAI A ARRANXAR VARIAS ESTRADAS DO SALNÉS

A Deputación de Pontevedra convocou hoxe o anuncio de contratación de obras de desbroza en 335 quilómetros de 60 estradas provinciais por un importe total de 742.260 €, divididos en 3 lotes. Os citados lotes corresponden ás estradas incluídas nas zonas norte, centro e sur da provincia. Cada un deles ten un orzamento de licitación de 247.420 euros e inclúe a limpeza e desbroza do entorno das devanditas estradas dende o punto de vista do drenaxe. Este concurso hoxe anunciado verase complementado con outro plan de máis de 2 millóns € para reforzar e axeitar o firme, sinalizar, etc. A través do concurso hoxe convocado limparanse cunetas e marxes das estradas, rozando a vexetación que dificulta o tránsito polas beiravías e limita a visibilidade de peóns e tráfico rodado. Ademais, realizaranse labores de perfilado das cunetas, desatascaranse as canalizacións e retirarase a broza, terra e restos de vexetación que se acumula nas beiravías e nos canles de recollida de augas. As estradas do Salnés que van a ser limpadas e que pertencen a zona centro son as seguintes:  Tremoedo-Tragove Ribadumia-Leiro Vilanova-Pontearnelas Fefiñanes-Oubiña Bouza-O Facho Sanxenxo-Bordóns-Samieira Portonovo-Vichona Noalla-Aios Gallas-Armenteira