A VINDEIRA FIN DE SEMANA PODEMOS IRNOS ACERCANDO

"Acercando" é o nome das Xornadas Gastronómicas que se celebran na comarca de O Salnés durante o mes de maio, realizaranse rutas de tapas en Cambados e en O Grove, talleres de cociña e demostracións de cociña en directo, ofrecidas por grandes chefs como Pepe Solla, Anxo León, Javier Olleros e Beatriz Sotelo, entre outros.
A comarca pontevedresa de O Salnés presentou Acercando, as xornadas gastronómicas coas que pretende promocionar a súa gastronomía, especialmente a que obteñen da pesca de cerco, e á súa vez, promover o turismo gastronómico na comarca dando un impulso ao sector hostelero antes de que empece a tempada.
Estas xornadas contemplan distintas actividades e propostas para o goce de afeccionados e profesionais do sector gastronómico, estas terán lugar durante todo o mes de maio, prestade atención ás datas para anotalas na vosa axenda.
Por unha banda os municipios de Cambados e O Grove celebrarán a ruta de tapas Acercando O Pincho. Pincho ou tapa poderanse degustar en máis de vinte establecementos os fins de semana, do 9 ao 11, do 16 ao 18, do 23 ao 25 e os días 30 e 31 de maio. O horario para a degustación dos pinchos será de 13:00 A 15:00 horas e de 20:00 a 22:30 horas.

En Cambados, os establecementos participantes son: O Galo Negro, Bar O Posito, O Recuncho de Noya, Cafetería Thelma, Parador de Cambados, Tapería A Casa da Fonte, Restaurante A Taberna do Trasno, Restaurante Pandemonium, Tapería A Casa de Miguel, Tapería A Dos Piñeiros, Tapería Lume de Leña, Vinoteca  Vagoviños e Vinoteca Ribeira de Fefiñans.
En O Grove, os locais que participan na ruta de tapas son: Restaurante Areoso, Restaurante Herlogon, Asador O Xoto, Restaurante Solaina, A Taperia, Don Mexilón II, Cafetería Balcón, Restaurante Bogavante e Cafetería Mil Estrelas.
Os pinchos ofreceranse ao prezo de 1 euro, entre outros, poderase degustar o Carpaccio de caballa, o Lombo de jurel afumado con pimientos asados, a Brocheta de atún con salsa de mel e comino, a Hamburguesa de queixo azul con verduras, o Chupachú de sardina anchoada e queixo galego.
 Todos os luns do mes realizaranse talleres de cociña en distintos municipios, podedes ver o programa na foto superior. Tamén podedes ver as demostracións de cociña en directo que realizarán grandes cocineros como Pepe Solla, Anxo León, Beatriz Sotelo, Mónica Novas, Javier Olleros, Antonio Botana e Yayo Daporta. Estas celebraranse os sábados 10 e 17 de maio e o venres 23 de maio, como vedes, tamén en distintos municipios da comarca.