Agora xa sabemos por onde ven o lio da semana pasada en Cambados.
Un total de 192 traballadores incorpóranse nestes días ao cadro de persoal dos concellos das comarcas de Caldas e Salnés, ao abeiro do Plan de Emprego posto en marcha pola Deputación de Pontevedra e que permitirá a contratación duns 800 traballadores desempregados en toda a provincia, cun investimento global que supera os 3 millóns de euros.
No caso dos nove concellos que integran a comarca do Salnés, a
Administración provincial acordou a concesión de subvencións por un
importe total de 531.098,76 euros destinados á contratación de 117
operarios.
Deles, 17 corresponden ao concello de Vilagarcía de
Arousa, único concello da comarca que supera os 20.000 habitantes e que,
en consecuencia, percibirá, tal e como recolle o Boletín Oficial da
Provincia de hoxe, 71.091,96 euros.Pola súa banda, os concellos de Cambados, O Grove, Sanxenxo e Vilanova de Arousa están a contratar neste mes de abril a un total de 15 operarios cada un, cunha achega da Deputación de 62.728,20 euros.
Finalmente, os concellos de A Illa de Arousa, Meaño, Meis e Ribadumia reciben 41.818,80 euros cada un, o que lle permitirá sufragar o custe salarial de 10 operarios por concello.
Máis información: MÁIS QUE PALABRAS POR UN POSTO DE TRABALLO
1 comentario:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.