OS PREFERENTISTAS SEGUEN A LOITAR

Afectados polas preferentes de Novagalicia van pedir hoxe unha entrevista cos conselleiros de Xustiza e Economía para reclamar unha solución definitiva para tódolos casos.

Queren facer bo o compromiso do presidente de Banesco, novo dono da entidade galega, de solucionar o conflito en tres meses. A Coordinadora Galega de Plataformas de Afectados aférrase a ese compromiso e demanda coñecer de primeira man tódolos detalles sobre a situación na que quedan os preferentistas trala venda de Novagalicia.

A Coordinadora lembra ademais que non cesarán as protestas ata que recuperen tódolos seus aforros.